Mae WeMindTheGap yn rhedeg rhaglen rithwir WeDiscover ar draws Caer, Ellesmere Port, Northwich a Winsford.

Dyma ail raglen WeDiscover gan WeMindTheGap. Cafodd ei gyflwyno gan yr elusen fel ymateb i'r pandemig yn 2020. Pwrpas y rhaglen yw helpu i ailymgysylltu pobl ifanc 16-18 oed, ar ôl i'w hysgolion gael eu gorfodi i gau oherwydd pandemig COVID-19.

Laura Columbine sy'n arwain y rhaglen, ynghyd â'i thîm Ellie, Alex, Sam a Huwey. Maent yn cynnal sesiynau rhyngweithiol dyddiol, o weithdai gemau a chreadigrwydd i ddosbarthiadau Mathemateg a Saesneg, i gyd yn cael eu cynnal dros Zoom. Mae'r bobl ifanc hefyd yn cael y cyfle i ddylunio eu hwythnos olaf o'r rhaglen, yn seiliedig ar yr hyn yr oeddent wedi ei fwynhau fwyaf.

Mae WeMindTheGap yn gwahodd siaradwyr gwadd fel Paralympwyr, gweithwyr Gofal Dwys y GIG, Gweithredwyr Camera'r BBC a Sêr Instagram / TikTok i ddod draw i adrodd eu straeon wrth y bobl ifanc sy'n cymryd rhan yn y rhaglen. Mae'r siaradwyr gwadd wedi rhoi cyngor pwerus, yn aml yn annog y bobl ifanc i ddweud ie i bob cyfle, ac i ddeall bod eu lleisiau'n bwysig ac y dylid eu clywed.

Yn ddiweddar, mae rhaglen rithwir yr Elusen wedi cefnogi llanc 17 oed, a adawodd yr Ysgol Uwchradd yn ei 2il flwyddyn, ar ôl methu â chymryd rhan mewn pynciau academaidd. Pan ymunodd â rhaglen WeDiscover am y tro cyntaf, roedd yn hynod o nerfus. Cytunodd i ymuno â sesiynau ond gyda chadw ei gamera a'i feicroffon i ffwrdd, gan ddefnyddio'r swyddogaeth 'sgwrsio' i gyfathrebu. Erbyn diwedd y rhaglen, roedd wedi meithrin yr hyder i ymuno â phob sesiwn a chymryd rhan yn agored mewn trafodaethau gan ddefnyddio'r meicroffon. Roedd y tîm yn falch o glywed gan ei rwydwaith cefnogi bod ei ymgysylltiad â'r rhaglen wedi cael effaith gadarnhaol ar y teulu ehangach. Mae bellach wedi dychwelyd i hyfforddiant pêl-droed ac mae'n dymuno gwneud cais am y coleg ym mis Medi i ddod.

Dywed

Y peth mawr i mi yw cael trefn arferol. Gyda phopeth ar gau oherwydd y cyfnod clo ro'n i jest yn deffro a gwneud beth bynnag. Nawr mae gen i amser penodol i wneud pethau, fel arall byddwn i'n gorwedd yn y gwely yn unig. Mae siarad â gwahanol bobl wedi bod yn wych i mi hefyd. Mae fy mywyd yn haws nawr bod gen i rywfaint o strwythur a rhywbeth i'w wneud.

Bydd tîm WeDiscover yn lansio eu rhaglen nesaf ar Fai 17eg ac yn gobeithio gallu parhau i ailgysylltu mwy o bobl ifanc ag addysg a hyfforddiant ar ôl 12 mis anodd.